F2 08.28.2023星期一 副刊 作者：西DorSi 出版：知出版社 《深圳旅遊新情報 2023-24》 慢讀 樂趣 深 圳 尋 樂 大師兄首先講：「安仔，有乜點算，你去印度移民咩？」 佢一早坐咗喺大堂正中央嗰張枱。「我真係唔會搵命 博，我又唔貓。」茶樓老闆一個箭步走過嚟，想同大家約個 時間遊廣州。「好方便咋，依家去天河食飯，話咁快就到， 搭廣州東站好方便。」張翁此時趕到，聽見廣州成個生晒︰ 「係啦，以前去廣州搭柴油火車，成半日都未到。現在個零 鐘就直達中心，好似發夢一樣。」 「係嘞，世侄，你講乜嘢唔似貓唔似狗，係咪想食魚翅 餃，叫老闆幫你Order。」老闆話，慢慢嚟，唔使急，飲杯茶 先啦。「老闆，我其實想食粉果，不過，魚翅包都可以，我 唔係又貓又狗。」大師兄一句「九唔搭八」就走過場。銀行偉 問我幾時去印度？「不如叫個蒸排骨，老闆話必食。」大家飲 茶，今日老闆精選係十五年普洱茶頭，好特別，飲落好似 無乜味，不過，又有一啲樟木之類味，老闆上個禮拜去深 圳探茶葉舖嘅潮州佬，帶咗幾斤返來，慷慨同大家分享。 大家坐定定，想搵個有趣話題，銀行偉就話三年疫情 搞垮好多行業，其中曾經暴發幾千億美元市值之共享空間 企業，聽講就快執笠。「一場遊戲一場夢，疫前個個唱好， 香港都為此主題投資發癲，不過，依家好多大公司已經學 識Work from home。」大師兄話︰「佢表妹個女，本來要往 返香港仔同中環公司上班，疫情齊齊Work form home， Work下Work下，大家要Work，使乜返公司，網上辦公就 得啦，於是疫情之後，大家留在家中。」嘩，呢間係跨國大 集團呢㗎，咁縮骨都得嘅，香港啲Office仲使租得出。 張翁話︰「做生意講成本效益，應使得使，應慳則慳， 你知香港租金有幾貴，可以Work from home，以後唔使成 日返Office，老闆Happy，夥計又開心。」係，你知返Office 有好高風險。「安仔，你又九唔搭八，呢度係香港，唔係敍 利亞，或者烏克蘭，有幾危險，唔通你驚中暑。」魚翅包又 即係魚翅餃，原來無分別。「我講，上班好危險係指印度。」 老闆介紹大家食咖喱牛肉炒底，「李先生一定鍾意 啦。」唔關我事，我其實話，印度打工仔要戴頭盔先至夠膽 返工。「你無睇新聞咩，印度政府Office日久失修，成日跌 天花，員工向上司申訴無果，為咗份工，只好自己想辦法 啦，戴頭盔返寫字樓工，真係算領先全球。」 即係咁，我又唔係貓，無九條命咁多，所以慶幸唔係 去印度返工，同時覺得我老闆好偉大，起碼租一間四四正 正Office畀大家開工，我唔戴頭盔都可以安心工作。「安仔， 現在中環、灣仔、旺角、油麻地周圍好多舊樓都有老化問 題，石屎隨時剝落，你最好出街戴頭盔啦。」講呢啲，好 啦，老闆推介之咖喱牛肉幾好，不過，椰油味略重，唔多 夠勁。「安仔，熱氣呀，食到咁辣，你幾十歲，注意調理身 體。」好，飲多杯陳年普洱，通通血管先。 老闆話，廣州有政策，加快舊區重建，香港咁多舊 區，都可以諗下積極改善環境，舊區重建騰出嘅單位優惠 後生仔，吸引外來人才，一舉幾得。「世侄，飲茶啦，講 呢啲。」銀行偉近日個樣好愁，可能與樓市同股市唔多順有 關，都係換過話題，幾時去西九搭高鐵上廣州？周圍去搵 美食，幾開心呀！ 我忽然感覺自己好幸福，老闆對我同一班同事 太好了，要是我在印度打工，我真係唔知點算？ 文：李辰安 圖：iStock 註：以上純屬作者個人意見，不代表本報立場。 C U L T U R E 李辰安，從事創作二十年，開拓城市感覺派文風，與讀 者一起懷舊，穿越香港時空找尋生活新旨情。 辰來之筆 返工戴頭盔 註：以上純屬受訪者及作者個人意見，不代表本報立場。 作者於香港中文大學計算機科學系 畢業，這位IT人2017年嘗試玩拍片，誤 打誤撞躋身YouTuber行業，疫情期間， 毅然旅居深圳。結果修成正果，搖身一 變成為「深圳通」。 文：王文宇 圖：星島圖片庫、中新社、 新華社、西DorSi Facebook、 摘自《深圳旅遊新情報2023-24》 ■深圳福田區滿布高樓大廈， 晚上燈光燦爛，夜市非常熱鬧。 ■作者西 DorSi 旅居深圳 多年，帶領大家重新認識 當地的人氣蒲點。 二十幾年前，我對深圳的印象是食重慶火鍋的探險 之地，1992年鄧小平南巡之後，深圳特區地位更加 鞏固，後來便有任正非帶領華為衝出國際的企業故事， 不過，同一時空的我，才知道有鋪滿辣椒紅油的火鍋湯 底，我們一眾香港大鄉里見到之後，不禁齊聲一喊︰「變 態㗎！」第一次食到我等香港土生土長的年輕人幾乎「全 軍覆沒」，返港之後，個個出事，不是嘴唇紅腫，便是腸 胃不適，最嚴重的要睇醫生。 不過，好快又集合幾個不怕辣之徒，加幾個好奇心 重的朋友，再踏上重慶火鍋食過返尋味之旅，從此，大 家越食越上癮。 深入認識美食潮流 我很少會用「平靚正」來形容一本書，不過，這本書 真的是售價友善，68港元有圖有相有真相，還要用心的 編輯，通過作者介紹，大家對深圳的吃喝玩樂有深入 認識，連我曾經自認是「深圳王」，也得放下身段細心閱 讀，事關疫情前後，我已經多年未有再到過這個原名「鵬 城」的世界科技中心。補一筆，任正非，早已搬出了深 圳。 當年的重慶火鍋店不見了，本書介紹福田區卓悅 中心的巴奴毛肚火鍋，最妙的是此店的Marketing有點搞 鬼︰「特別是向另一火鍋王牌海底撈『抽水』，口號︰『服 務不過度』、『好麵不用舞』，明顯是諷刺海底撈的服務。」 我未有光顧過這間巴奴毛肚火鍋，很想去見識一下，究 竟你提供甚麼「不過度」的服務。資料提供︰人均消費接 近180港元，最招牌的是毛肚。有幾巴閉？作者說︰「巴 奴強調用天然的木瓜蛋白酶浸泡，較坊間的健康。我覺 得這裏的新西蘭毛肚口感的確與眾不同，稍微沒那麼爽 脆，但多了彈牙感覺。」好，就約定舊友去試一試。 地鐵沿線特色蒲點 講開又講，我當年自稱是「深圳王」的年代，深圳除 了酒店（還要是5星級）有似樣的咖啡之外，街邊檔也只 有港式奶茶、咖啡，不過，近幾年，內地大城市興起咖 啡熱，星巴克在南山那間店很大很豪華，是港友的打卡 點。翻開這本書查一下，有好介紹。南山萬象天地有一 間Peet's Coffee皮爺咖啡，「是來自加州伯克利，1966年創 立，被譽為咖啡祖師爺。」據說星巴克3位創始人都是師承 Peet's Coffee。作者問過居住在加州的朋友，他說︰「當地 人認為這個品牌沒有星巴克高級，但味道更好更便宜。」 貼士提供︰內地分店有供應不同烘焙的咖啡豆，部分可 以改用低因豆。此店是走高價路線，所以跟內地星巴克 差不多。 本書介紹︰「大家熟悉的羅湖、福田、龍華等地區新 增了多個大型商場及遊樂設施。隨著地鐵線不斷開通， 昔日較少人前往的地區也有新景點落成。」有一個我很熟 悉的區，就是羅湖，原來這裏有一個我沒有聽過的特色 「蒲點」，這是金啤坊藝術街區。最初去深圳食狀元紅火 鍋，標配是當地的金威啤酒，因為口味跟香港賣的啤酒 不一樣，特別有清新口感。原來金威啤在羅湖的啤酒廠 已經於2012年停運，現在改建成為藝術展覽場地。最具 標誌性的打卡位是D棟的發酵罐區，有29個大小不一的大 型發酵罐筒倉，大部分有7至8層樓高，很壯觀。 雲海公園紅遍網絡 最後介紹雲海公園，這是「本書截稿前鹽田區最新開 幕的景點，不過短時間內已經紅遍網絡！它位於鹽田港 的後山，山頂三洲塘水庫旁，海拔380米，主建築是一座 三層樓高的服務驛站，純白色的簡約造型，遠看有點像 一艘停泊在山上的郵輪呢！」 深圳有10區，作者為大家疏理好成為一本簡易好用 的深圳旅遊手冊，附加內 地遊須知，唔買都睇下 啦！ ■ 潮 玩 吃 喝 攻 略 ■大家熟悉的羅湖、福田、龍華等地區新增了多個大型商場及遊樂設施。隨著地鐵線 不斷開通，昔日較少人前往的地區也有新景點落成。 ■雲海公園是鹽田區的新景點，三層高的主建築包羅圖書館、咖啡廳，純白色的簡約造 型，遠看有點像一艘停泊在山上的郵輪！ 人氣蒲點 深圳福田區的攀岩 館，是孩子﹁放電﹂、大 人釋放壓力的好去處。大 家可挑戰一下，享受運動 帶來的樂趣。
RkJQdWJsaXNoZXIy ODc1MTYz