話就話荷李活興音樂人物傳記電影，但可以電影化嘅 人物，點都要有番咁上下Legendary，而卜馬利就肯肯定係 代表人物。 要將呢位「雷鬼之父」影像化，選角固然重要，京士 利賓艾迪（Kingsley Ben-Adir）除咗演技得，加埋為角色 嘅「投資」，你冇得唔俾Like。 「為咗外形更加同阿卜相近，我減咗35磅；而佢係來 自牙買加嘅，我就用咗8個月嘅時間，去練習佢嘅獨特口 音，係咁睇佢嘅訪問片段，再跟導師練習。 「其實拍呢套戲之前，我係唔識彈結他嘅，所 以除咗上雞精班，仲要練阿卜嘅指法，仲有跟住 個Beat去律動，學阿卜嘅台風。」 主角有Heart，電影仲有卜馬利大仔錫基馬利 （Ziggy Marley）擔任監製，導演雷拿度馬吉斯格連 （Reinaldo Marcus Green）話：「有Ziggy喺度，佢 可以親自指導我哋，塑回卜馬利昔日最細 微嘅日常生活習慣，仲有音樂上嘅創作心 態。我好似多咗個可以安心依靠嘅 Buddy，佢唔止作為一個家庭成員參與拍 攝，而係真正嘅監製。」 你會問，點解會關畢彼特（Brad Pitt、左）事？查 實電影係由佢嘅電影公司Plan B製作，佢係畢老 闆。 ▲京士利話要360學足卜馬利，台風走唔 甩，而且電影集中講「雷鬼之父」喺1976 至1978年嘅事跡，「One Love」除咗係戲 名，仲係卜馬利喺1978年舉行嘅音樂會。 ▲除咗人 物，電影請咗 252名牙買加人參 與其中，對布景、 道具都一絲不 苟。 ▲ 導演 （紅帽者）雷 拿度坦言，有卜馬 利 大 仔 錫 基 馬 利 （圓圖）跟場，令 電影拍得更仔 細。 上映日期：3月14日 雙練 37 2024.03.17
RkJQdWJsaXNoZXIy ODc1MTYz