高達在世界各地都有鐵粉，蘇俏慧自從喜歡砌高 達模型後，亦成為其中一員，每當知道那裏有展覽， 便會和朋友去朝聖，「第一次去日本東京台場睇1:1 的高達，見到幾層樓高的RX78，配合了燈效和音樂， 仲識噴煙，我當時就好像個小fans般，喺現場大叫 「嘩！嘩！嘩！」表現得相當興奮。後來那裏的RX78 換成另一款獨角獸，而橫浜高達展，就臨海展出新的 RX78，可以行前行後、及單膝跪地，近距離睇，視覺 超震憾，我當然亦唔執輸去打個卡，同時亦買到一些 限定版模型。」 她稱買高達模型，從來不看價錢，「我覺得買心 頭好唔在於價錢，加上高達模型一般都只是數百元一 盒，所以只要合眼緣就會馬上入手。有些限量版錯過 了，唔想食炒價，就要靠模型協會的朋友幫手，他們 很多時都習慣買多幾盒，以備不時之需，見我想要， 都樂意原價放出。」 多年來她每次外遊，都會留意當地有沒有較特別 的高達模型售賣，「日本係高達的元祖產地，款色和 數量一定最多、最便宜，每次去日本我都會留意，但 就唔會刻意去搵某一款。有次去泰國就搵一套紙製高 達模型，除了外遊搜購，平日在澳門，我又會在舊城 區的玩具店尋寶，試過買到一盒彩色透明限定版高 達，不過買買埋埋好多都唔捨得砌。」 ▲東京台場過去十多年，先後展示過1:1 的RX-78和獨角獸高達，Kayaku每次赴 日，例必抽空到台場打卡。 ▲三盒金屬鐵片高達同 樣購自東京台場，購入 價每盒近$300，「這 個原來很難砌的，每塊 鐵片部件好幼細，一屈 一拗好容易折斷，斷咗 好難黐番，仲未敢挑 戰，最慘係唔可以用來 養老，因為老咗會手 震，更加砌唔到。」 ▲她在澳門舊城區玩具店，找到這 盒Expo限定透明版1/100 RX-78高 達2 . 0，「見個老闆眼神有些忐 忑，仲話我咁識貨，我驚佢收番唔 賣，我馬上俾錢 $498。」 ▲金屬色的RX78，部分物料用上 鋁合金，「呢隻當時購入價近千 元，一晚便砌好。擺了十年依然 好靚仔，存放的持久度比我預期 高。」 名人收藏Celebrity 38 2024.06.23
RkJQdWJsaXNoZXIy ODc1MTYz