▲ DJ出身的黃凱芹，80年 代起便聽盡環球音樂。 既是相交多年的老友，黃凱芹對杜自持也毫不客 氣，以下為二人的實況對話，未經剪輯。 C：黃凱芹 A：杜自持 C：我有可能唱其他歌手演繹過Andrew寫嘅歌⋯⋯ 不 如Andrew你估吓，我嘅心水係咩吖？ A：第一首應該係〈愛不完〉，因為呢首好Popular，而 且亦都好啱你唱。 C：其實話你知，真人真事！當年我做D J，收到 Andrew作曲嘅呢首作品，華仔（劉德華）唱嘅，我 就覺得有冇搞錯呀，應該寫俾我啦！呢種歌係我嘅 嘢嚟。 因為Andrew同我合作過〈My Baby〉、〈Hello Merry Christmas〉，佢知道晒我嘅Style，所以呢 首歌應該要俾我啦！ A：因為當時華仔係我真真正正做監製嘅第一個artist， 其實我都幾好彩，一做監製就做到一個咁大 嘅artist，我當然有咩最好嘅都攞晒出嚟。 所以，我想改變佢嘅形象，啲人話佢粵語腔唱嘅歌 好老土，我就諗不如放一啲西方嘅元素俾佢試吓， 睇吓點。 其實佢錄完之後，我都覺得唔係太好，但結果出 嚟，可能啲人真係估唔到華仔可以唱呢個style嘅 歌，所以首歌就好Hit。 C：仲有一首〈心酸的情歌〉，我覺得應該都係我唱 嘅。 A：呢首歌唔係我寫⋯⋯ C：但你編曲，係有西班牙嘅色彩，最後到巫啟賢自己 唱番，都係用呢個feel，所以佢唱得好好。當初出嘅 時候，我真係有啲流口水！ 二人相視而笑，一切盡在不言中。 唱盡 31 2024.12.22
RkJQdWJsaXNoZXIy ODc1MTYz