是非非是 c o l u m n s 紀惠集團行政總裁，澳門人，一個唔賭錢的賭徒， 所發表的言論，不少人認為似是而非， 有心人才知道似非而是。 湯 文 亮 點解樓價跌比特幣唔跌 63 2024.12.22 老友在兩年前，比特幣在五 萬美元時買了五十枚，並揚 言比特幣在兩年之內會升超過十萬美 元。在兩年期限之前，比特幣真係升 穿十萬美元，所有人都讚老友眼光獨 到，要求老友請食飯，但想唔到老友 並不開心，原來當日老友打算買一百 枚，可惜自己唔夠錢，又冇人願意接 受用比特幣做抵押借錢畀佢，否則就 會賺多一倍錢。老友不明白點解有人 願意借錢畀人買樓價日益下跌的樓 宇，而唔借錢畀人買幣價節節上升的 比特幣。 老友可能唔明白，如果銀行願意 借錢畀人買比特幣，幣價反而不會上 升，而且隨時下跌，因為銀行只是銀 主，幣價上升對銀行沒有收入，只是 比較保證可以收回本金與利息，但當 比特幣下跌，即使只是借了一半，銀 行仍然擔心幣價會繼續下跌，最終令 銀行蝕錢。所以，當幣價下跌，銀行 第一件事就會要求幣主加差額，幣主 如果冇錢還就必定要賣走一些比特 幣，多了人賣，少了人買，比特幣價 錢自然下跌，這是千古不變的定律。 如果持有比特幣的人希望幣價下跌， 首先唔好要求可以用比特幣借錢，比 特幣不能借錢，幣價就算唔飆升都會 慢慢升，而唔會下跌，但一個不能夠 用作抵押的產品又點可以咁值錢？真 的令人費解。 更加令人費解就是樓價，明明有 租金收入，但銀行擔心租金收入不能 應付利息支出，不斷要求業主還錢， 在無可奈何之下，業主唯有以大幅低 於市價出售手上物業，自己賣總好過 有一日被銀行沒收，物業變成銀主 盤，售價更低更殘，業主更加冇面。 在賣樓的時候，業主可能會想 到，如果當日買樓時沒有問銀行借 錢，雖然買少一半物業，但今日就不 用被銀行逼賣樓，不少叱咤風雲的投 資者，今日被銀行逼到欲哭無淚。玩 比特幣的人身在福中不知福，不能夠 用比特幣借錢其實是保障自己，但切 記如果有朝一日，可以用比特幣合法 借錢，就立刻要賣走手上比特幣，因 為如果借錢畀人買比特幣的機構收 水，幣價可能會大跌。 樓價跌另一原因是租金收入，疫 情時不少租客要求業主大幅減租，甚 至政府亦作出相應呼籲，疫情後不少 租客不願意將租金提升，由於租金收 入下降，銀行認為租金收入不能應付 利息支出，代表業主的現金流不穩 健，銀行要求業主補一些差額，令到 租金收入可以應付利息支出，不少業 主亦因為不能滿足銀行要求而賣樓。 比特幣就唔同，根本一早就冇收入， 並不存在現金流的問題，所以，如果 大家都用買比特幣的方法買樓，即是 唔問銀行借錢，沒有銀行逼賣，樓價 就算唔升都唔會下跌。 有
RkJQdWJsaXNoZXIy ODc1MTYz