自《中3》一 燈出局後，禤振華 過去十個月，不時以 業餘歌手身份，穿梭酒樓 聯歡晚宴大展歌喉，但今 次遇上狂野阿婆，是他始 料不及的事，這天他接受本刊訪問時重組 事件，「嗰晚喺酒樓聯歡晚宴上唱歌助 興，當唱到〈狂野之城〉時，我如常落台 同觀眾互動握手，期間見婆婆叫我埋去影 相咪行過去囉，冇預計過婆婆會咁熱情， 佢錫落嚟嗰吓，真係有啲措手不及㗎！當 刻都唔知點做好，始終大庭廣眾，有啲怕 羞，但婆婆仲係咁示意我錫番佢。」 片中所見，婆婆不斷將面珠送向Dave 嘴邊，起初他不斷迴避，直至婆婆從手袋 掏出一張500蚊塞到他手上，見他眼神忐忑 說：「我咁大個仔未錫過女仔嘛！」企圖 用語言偽術來避過一劫，但婆婆轉數亦 快，神回一句：「我都唔係女仔嚟㗎！」 在現場人士起哄下，Dave猶豫咗一下，匆 匆錫了婆婆一啖，便告完事，五嚿水袋袋 平安。 片段流出後，網上出現大量負評，有 人不屑他為錢出賣自己，亦有人指其行為 核凸又嘔心，但他卻豁達地說：「我哋做 演藝事業，每次去登台唱歌，都係想帶俾 觀眾開心，嗰刻現場氣氛高漲，我就係咁 意錫番婆婆一啖。有人話係咪為咗$500錫 佢？但其實喺呢類場合，台下觀眾好多時 都會送吓禮物，有啲又會俾封利是，係好 平常嘅事，我當係一份鼓勵。其實好多粉 絲只係會攞簽名同影合照，今次婆婆算係 我遇過最熱情嘅粉絲，但佢開心，我冇所 謂。只係冇諗過條片反響咁大，連微博、 小紅書都不斷有人轉發，今次真係衝出咗 香港呀！」 食得鹹魚抵得渴，Dave笑言有朋友借 此開他玩笑，他亦不太介懷，「雖然事後 都有朋友攞呢件事嚟笑，但都係點水式講 吓笑嗰隻，唔係挖苦我。返到屋企，阿媽 都只係講咗句，『阿仔，你上報紙喎！』 成件事我冇唔開心，反而仲幾開心，因為 終於開始有人留意到我，真係要多謝婆 婆。不過，下次再遇到啲咁熱情嘅婆婆， 我一定會保持距離。」 五嚿水 誘惑 ▲去年參加《中年好聲音3》，Dave在100強獻唱 〈一家一減你〉，可惜只得一燈遭淘汰。 ▲ ▲他說父母很支持他去追尋音樂夢，去年 兩老更到《中年好聲音3》的參賽現場為他 打氣。 39 2025.05.25
RkJQdWJsaXNoZXIy ODc1MTYz