這個年頭，明明拍拖或偷情斷正都可以諸多藉口，一句 「Hello Kiss」已經夠晒荒謬，近日《中年好聲音》 評審張佳添儼如情場教授，就以一句「膊頭之交」來露兩 手，教曉男人把口真係要啷過油，即使有圖有真相都冇亂大 謀，例牌否認笑笑口，耍太極功夫夠晒一流，堪稱高手。 54歲的他清風兩袖，離婚兩次覆水難 收，但他風度翩翩才情並茂，根本不 愁沒有女朋友，「情場浪子」之名絕不虛浮，連樂易玲都將 他看透，指他是「冇腳雀仔」處處情留；海兒索性稱他為 「冇腳老狐狸」一句封喉。 看來這隻雀仔不想在情海隨波逐流，選擇降落在甄采浠 （前名甄詠珊）的動情眼眸，盛傳已秘戀一年陪伴左右。 近日二人在圓方甜到漏，拍拖搭膊頭，又親熱地繑手， 一塊薄餅你一啖我一口，共享同一杯咖啡夠晒滋悠。 柔情萬縷，愛在心頭，花火照亮彼此的小宇宙。 但張佳添相當滑頭，只稱跟甄采浠相識已 久，關係純粹是好朋友，更反指對方都是「冇 腳雀仔」不易留，不想令她失去市場冇人吼。 咁點解你又搭她膊頭咁多手？你條腰又任 她攬實咁享受？「膊頭之交」這個藉口，能否得 到公眾評審的五盞燈拍手？ 其實張佳添係咪怕醜？怕難忍其他女人的挑逗 引誘？所以玩地下情留有一手？情寧願偷，也不講到出 口。可能現代色情男女不再講究，甚麼叫天長地久。人 生流流，情路何求，張佳添笑言活在當下便已足夠。 認不認女朋友？看來還未是時候，可能某天冇腳雀 仔終會降落在一葉扁舟，泊向幸福的渡頭，迎接中年好 豐收。 撰文☆黃庭桄 設計☆李浩然 交 今 年 三 月，張佳添推 出新歌， MV由 甄采浠監製，親 密關係不言而 喻。 兩 人 曾穿着同一 款 情 侶 外 套。
RkJQdWJsaXNoZXIy ODc1MTYz