陰魂不散 日本電影喺宣傳方面，敢認第二，冇人敢認 第一。《詭娃娃》喺東京開畫當日，片商為營造恐怖氣 氛，連長澤、瀨戶康史等一班演員都呃埋一份，突然熄晒 戲院啲燈，大銀幕播出詭異畫面，仲安排「亞彌」出場、 工作人員扮鬼現身觀眾席，心血少啲都搞唔掂。 長澤好入戲，好照顧「亞彌」，間中仲望住佢笑，讚 佢表情豐富，聽見都心寒。佢話：「我試過俾鬼責，成身 郁唔到，好想知道點解會咁。之後當笑話同朋友講，就冇 嘢喇。」 導演矢口史靖拍開爆笑嘅《五個撲水的少年》同《喇 叭書院》，今次轉拍恐怖題材，自編自導，即刻得到葡萄 牙國際奇幻電影節俾like，頒發最佳電影獎。 「我出動咗兩個人偶配合拍攝，一個質地柔軟，方便 抱同掟落地；另一個就比較硬淨，用嚟拍攝特寫鏡頭。」 電影中，「亞彌」陰魂不散。佢心底渴望愛，點知長 澤打完齋唔要和尚，大女死咗就當佢寶，生咗細女，即刻 掟佢入雜物房。換轉係你，咁樣被用完即棄，都嬲嬲豬 啦！ 長澤喺片中有唔少尖叫鏡頭，現實中，佢就俾《午夜 凶鈴》嚇餐飽。「小學時睇錄影帶，驚到要匿喺房門罅後 面睇呀！」 上映日期：9月25日 喪 女 嘅長澤正美， 同老公瀨戶康史 推人偶「亞彌」出 街 玩 ， 日 光 日 白，都好得人 驚啫！ 首次拍恐 怖片嘅長澤， 叫大家多多期 待 佢 嘅 驚 嚇 樣。 半夜扎醒 擘大眼，見到 有個人偶喺身 邊，唔尖叫就 假。 ▲細女發現「亞彌」，當佢係玩伴，怪事 開始接二連三發生。 ▲「亞彌」被遺棄喺雜物房，又 真係可憐嘅。 ▲飾演驅魔師嘅田中哲司，現實中係 一代日劇天后仲間由紀惠嘅老公。 35 2025.09.28
RkJQdWJsaXNoZXIy ODc1MTYz