好人好姐，除非真係好等錢使，否則都唔會拎條命 去較飛。拍過《龍捲風》（Twisters）嘅男星Glen，話 好明白《逃亡遊戲》角色嘅心情，「佢個女病得好嚴 重，但佢無法負擔醫藥費，所以明知可能一去不返，都 報名參加呢個直播逃殺嘅遊戲節目，滿足觀眾做花生友 嘅心態。」 救女，成為Glen要活到最後嘅最大動力。佢憑住反 抗本能、過人身手，多次死過翻生，帶挈節目收視越升 越勁。節目監製佐斯布連（Josh Brolin）見到，當然笑 呵呵，一方面塑造Glen做明星，一方面就喺背後搞小動 作，操控比賽。陰濕又奸險，果然仲流住「魁隆」嘅 血。 睇電影預告，仲會見到阿諾舒華辛力加（Arnold Schwarzenegger）「驚喜登場」，點解？因為電影要 向佢致敬，話晒佢係「逃殺始祖」，早於1987年已經將 史提芬京（Stephen King）本小說搬上大銀幕，擔正真 人版電影《威龍猛將》嘅主角。 相隔38年，鬼才導演Edgar Wright唔想重拍咁簡 單，「我14歲第一次睇史提芬京本小說，已留下深刻印 象，到87年睇埋電影版，更加鍾意。咁多年來，我一直 想重新改編呢個故事，令佢更貼近原著。」 Edgar曾經執導喪屍片《笑死人凶間》、《爆辣刑 警》同《蘇豪的最後一夜》，有本事令人睇完又睇，相 信今次都難佢唔到。 阿諾驚喜登場 ▲1987年電影《威龍猛將》嘅主角阿 諾，以另類形式粉墨登場。 同其他參賽者着上整齊白色制 服，成件事好《魷魚遊戲》。 ▲「魁隆」佐斯布連利誘Glen參賽，更為谷收 視，不擇手段。 成隊兵出動去圍剿 Glen，擺明唔公平。 ▲ 導演Edgar Wright自言由青少年 開始，已經係史提芬京嘅fans。
RkJQdWJsaXNoZXIy ODc1MTYz