生活是很個人化的態度， 人稱「陸叔」的著名財經股評家、 兼投資策略顧問，用輕鬆心態，與跨界別嘉賓 及以時事專題，去打開財經及以外的話匣子。 陸 叔 開C h a t 碧瑤為香港添綠色 碧瑤綠色集團主席吳永康（右）。 未踏入大暑，天氣已經暑熱難當，天文台更首次喺四 月發出酷熱天氣警告。全球暖化正逐步蔓延，廢物處 理係本港第三位主要碳排放來源，兩個堆填區每日平均共接 收過萬公噸都市固體廢物。為令地球降溫，全民減廢和實踐 回收係大勢所趨，港府喺《香港資源循環藍圖二○三五》中 提出零廢堆填，並擬於明年落實都市固體廢物收費，務求二 ○五○年前實現碳中和。 早前向碧瑤綠色集團（1397）主席吳永康了解香港和業 界綠色發展。我倆淵源甚深，同樣就讀李陞小學，亦為港大 科學院師兄弟。吳兄憶述，佢中學時家住大坑木屋區，其母 每逢大時大節都會做清潔散工，到富戶家中抹窗打蠟，後來 索性轉為全職，七兄弟姊妹就成為母親嘅人力資源。憑藉幼 年經驗，佢大學畢業後就決心創業，一九八○年夥拍細佬開 清潔公司。由於初出茅廬，創業資金和人手有限，故發揮英 文優勢，到山頂區逐家逐戶派卡片招攬生意，主攻高尚住宅 清潔，以獲更高報酬。另一方面，公司記錄高級商廈嘅公司 名冊，針對性做推廣，慢慢建立客戶網絡。 直到八十年代中，公司開始涉獵政府清潔工程，因為各 區招標項目大小不一，為精準訂定投標價，兩兄弟幾乎走勻 全港政府部門視察環境。不過當年對手都係業內龍頭，強弱 懸殊之下，經歷四年先成功中標。在九十年代末，隨政府外 判制大幅擴張，碧瑤從食環署、環保署和康文署投得多份合 同，由清潔項目， 逐步擴展至園藝、害蟲防治、廢物管理和回收等範疇，至今 發展為各大公私營機構嘅環境服務供應商。 近年政府致力落實環保藍圖，開展各項社區回收措施， 力求做到零廢堆填。事實上，碧瑤綠色早喺二○一四年已發 展回收產業，並不斷擴大回收網絡，加強收集、分揀和中端 處理等相關配套，例如：推出回收獎賞平台iRecycle愛回收， 提供上門回收服務；另與太古集團在屯門建立本地首間達準 食品級PET塑膠工廠，預期每日可處理達一百噸塑料，將於 年內投產。呢項業務上年佔總營收一成八，跳升為第二大收 入來源，伴隨政策推動，加上大眾環保意識增強，長遠分部 業績有望進一步增長。 自疫情爆發以來，醫療檢測廢物收集需求激增，檢疫酒 店清潔和消毒服務需求亦隨之衍生，碧瑤綠色作為業內龍頭 自然受惠，帶動去年清潔分部收益按年升逾兩成至八點二億 港元。另外，疫情亦成為ESG催化劑，喺呢條綠色賽道上， 碧瑤往往擔當軍師角色，為各大企業提供多項環保服務，協 助商界實現減碳。 作為上市公司，獲得資本市場垂青亦好重要，今年三月 獨立股評人David Webb增持碧瑤綠色股份，持股比例超過百 分之五。吳兄對於任何投資者增持都無任歡迎，而Dav i d Webb向來鍾情優質股，此舉無疑係對公司一大肯定。公司上 市至今幾乎每年都派息，目前派息比率為三成，相信亦係吸 引投資者原因之一。 6 2022 07 24 陳永陸 陸 尚
RkJQdWJsaXNoZXIy MTIyMjc4MA==