是非非是 c o l u m n s 紀惠集團行政總裁，澳門人，一個唔賭錢的賭徒， 所發表的言論，不少人認為似是而非， 有心人才知道似非而是。 湯 文 亮 白宮的娛樂新聞 MAGA 37 2025 04 13 日有一個壞習慣，就是每日 要睇白宮發言人萊維特講特 朗普豐功偉績，點解我話要睇，首 先，睇新聞比聽新聞實在，其次是 萊維特的表現，牙尖嘴利，典型美 國白種女仔風格，但又不得不佩服 她，當大家坐定定睇萊維特發言 時，發覺螢光幕竟然出現英文字 幕，老實說如果唔睇字幕，很多 時都唔知佢噏乜用字實在太深 不過是用得恰當，就算明知佢是替 特朗普講好說話，甚至指鹿為馬， 但仍然覺得萊維特好叻，相信有不 少人對萊維特的說話是深信不疑。 有人話萊維特只是背稿，沒有 甚麼大不了，我都知佢背稿，但背 得咁純熟，而且是日日背，實在是 太難，而可以背得咁順的原因很 可能那些稿是由她自己撰寫，如果 要寫稿，仲邊有時間湊女。 有人唔明白點解我話萊維特指 鹿為馬，原因是她表示在四月二 日，特朗普向全世界開徵對等關稅 當日，是美國被剝削的日子成為過 去，全世界譁然，美國唔剝削其他 國家已經是萬幸，點會被其他國家 剝削。如此說來，任何人到美國投 資買樓買股票，做生意賺了錢都是 剝削美國，但萊維特處之泰然，不 得不佩服。 萊維特在白宮發言，除了表達 特朗普的意願之外，還要替馬斯克 的狗狗部門保駕護航，狗狗部即是 政府效率部，任何公司一定有冗 員，愈大公司愈多，愈大國家愈 多，這是無可避免的事，所以，久 唔久就要搵一個金刀手，將一些冗 員炒魷，特朗普的金刀手就是馬斯 克，老實說，馬斯克真係肯捱義 氣，在接到任務之後，他特斯拉 股價下跌了三成多，但從萊維特的 發言，知道是有成效，但亦有不少 人擔心，美國政府炒了咁多人會 不會出現動亂。 萊維特話，四月二日，美國被剝 削的日子已成過去，我相信除了特朗 普以及他的幕僚之外，大多數美國人 都不同意，環球化是美國提出，將自 己生產線移至國外，美國商人只保留 最重要零件或者工序，將成本壓至極 低，令美國人可以用在美國生產成本 都不夠的價格買到商品，咁樣叫做剝 削就冇得好講。在大幅增加關稅之 後，美國人就會領略到物價上升，特 朗普 之苦。 萊維特話美國工業前途一片光 明，工人有工做薪金上升，貨物 在美國生產，物價下跌，講到美國 好似烏托邦一樣。其實，只有一個 行業欣欣向榮，做律師的人發達 了，在生產線搬回美國之後，一定 會有數之不盡的賠償糾紛，天文數 字的賠償金額，律師就搵大錢但 就會令到不少生產商要撤離美國 即使要畀關稅都仍然比在美國生產 為佳。到時候，又唔知萊維特點樣 演繹。有人話，既然我鍾意，點 解又要睇白宮新聞他們唔知道， 我當娛樂新聞咁睇。 近
RkJQdWJsaXNoZXIy MTIyMjc4MA==