新角色登場 藍精靈呢個經典IP，由1958年比利時漫畫家Peyo創作。數數手 指，唔計今次，已經三度推出動畫電影，最早一部喺2011年。 睇藍精靈，最開心係睇佢傳達嘅歡樂氣氛，同團結就是力量嘅 信息，仲有仲有，每隻藍精靈都性格鮮明，有個襯到絕嘅名。 今次《藍精靈大電影》，除咗有大家熟悉嘅角色：閒時鍾意 客串做DJ嘅精靈爸爸、全村女神美芝、成日照鏡嘅阿靚、書不離手 嘅智多星等等之外，仲加入咗唔少生力軍。最搶鏡一定係巫師加達 嘅細佬拉達！以為加達成日想食咗藍精靈落肚，或者提煉魔法靈藥 已經夠邪惡？錯錯錯，拉達比佢法力更高強，更狠毒，精靈爸爸俾 佢捉走咗，真係大件事。 加達玩兄弟幫，精靈爸爸亦唔執輸，派出紅髮紅鬚、脾 氣火爆嘅細佬阿Ken出場。阿Ken為救大佬，赴湯蹈火，仲遇 上舊情人「毛神神族」首領毛媽媽 。至於無名，成日自以為 一無是處，但事實又點會呢？幫佢配音嘅釗峰話：「無名好 小朋友、細膽，好關心身邊朋友。」 樂壇天后Rihanna聲演美芝之餘，仲擔任電影監製、唱埋 歌《Friend of Mine》，同陀住第3胎出席全球首映，佢話： 「作為媽媽，我童年時有藍精靈陪伴，好開心我嘅小朋友 都能夠有呢份回憶。」 ▲阿Ken 紅髮紅鬚，又臭脾氣，邊個估到佢係精靈爸爸嘅細佬？ ▲ 最高精 神領袖精靈 爸爸被捉走， 精靈村即刻 亂晒龍。 ▲新角色無名同美芝冒險救人， 少啲勇氣都唔掂！ ▲巫師拉達法力至高無上，加埋大佬加 達，簡直係邪惡軸心。 ▲奸到出汁嘅加達，同貓助手阿沙失 驚無神出現，嚇死拉達條阿祖。 ▲ 新角色 毛 媽 媽 （ 左 圖）係扒手首 領，魔法書阿樂 就因蘊藏強大力 量，成為加達兩 兄弟虎視眈眈嘅 對象。 ▲ 聲演美芝嘅Rihanna，出 席喺藍精靈誕生地比利時 首都布魯塞爾嘅全球首映 禮，特別有意義。 69 2025 07 20
RkJQdWJsaXNoZXIy MTIyMjc4MA==