如果前年沒有參加《中年好聲音2》，成為其中一 位五燈歌手，攞埋亞軍，現年41歲的譚輝智，也許現在仍是 nobody，不會有狄波拉這位鐵粉，生活也不會有180度改變。 「以前廿幾歲時，好鍾意夜蒲，劈酒程度可以叫做酗酒。不過 自從生咗小朋友，去一次夜街，我都嫌多，基本上冇娛樂。」 怕交際，戒夜蒲，但要參賽，就要應酬見人。接觸人多了，他慢慢地將自 己調較過來，「感覺好似回春，個人冇咁悶。」 要感激遇見的，還有太太。二人拍拖加結婚10年，太太為他誕下一對現年6歲 的女兒和快將5歲的兒子，一家四口，幸福滿瀉。 「記得嗰時入產房剪臍帶，抱住阿女，感動到喊。人生最大夢想係有自己嘅小 朋友，實現咗。」 誰不知當上爸爸兩個月，他的人生出現一個大風浪，回憶起來，他不禁眼濕濕。 「醫生話阿女可能生cancer ，嚇到我兩公婆手忙腳亂。後來睇多幾個 醫生，證實係小腸氣。有晚情況嚴重，醫生話需要緊急開刀。 「因為要全身麻醉，BB咁細個有風險，所以當推佢入手術室 時，我驚到喊。平時我成日玩電話，但嗰次手術大約做咗個幾鐘，我 完全冇睇過電話，只係望住手術室盞燈，希望阿女吉人天相。」 爸爸的心聲，女兒收到晒，健康活潑地成長，譚太亦慶幸嫁了一個好 老公，感激他陪着自己一起變老。 87 2025 08 17
RkJQdWJsaXNoZXIy MTIyMjc4MA==