陸 叔 開C h a t 生活是很個人化的態度， 人稱「陸叔」的著名財經股評家、 兼投資策略顧問， 用輕鬆心態與跨界別嘉賓及以時事專題， 去打開財經及以外的話匣子。 斯克獲特斯拉（Tesla）股東批准史上最高一萬億 元（美元，下同）薪酬方案，背後有一系列業績 條件，包括每年交付二千萬部電車、投產並營運一百萬 部無人駕駛的士，以及創造四千億元核心盈利等，達成 後公司市值要增至八萬五千億元至算達標。條件當中亦 包括要售出一百萬個人形機器人（humanoid robot），而 事實上，馬斯克對於公司嘅Optimus機器人寄予厚望，佢 甚至喺X寫，將來Tesla約八成價值會來自Optimus。 有指今年係人形機器人走出實驗室，進入工廠、公 共場所、家居「打工」嘅元年，呢點同通用人工智能技 術突破有好大關係，但另一重要推動力係成本下降。波 士頓動力早期開發嘅物流機器人Stretch估計售價要三十 至五十萬元，真係請多幾位員工仲化算。Tesla出第一代 Optimus時冇公開標價，到推出第三代預期零售價兩至三 萬元，已經大幅降價，馬斯克表示希望再壓低成本到一 萬元樓下。 中國研發製造嘅人形機器人性價比更高。曾「派」 機器人上春晚嘅宇樹科技，推出識打側手翻嘅G1，內地 官網售價僅一萬三千五百元（美國Wa l ma r t售二萬 一千六百元），最平機器狗Go2賣一千六百元（Walmart 售三千四百五十元）。宇樹指未來四足機器人可降到 三、四千元人民幣，真正做到「手機價」。 要畀機器人入廠打工，仲有一個困難要克服，就係 機器人要喺不同嘅工廠環境裏面工作，要有實地訓練。 Optimus自然會放喺Tesla車廠訓練，其他機器人公司都 紛紛同車廠、物流公司合作培訓機器人。 訓練機器人同訓練人一個好大分別，係一啲對於人 類嚟講好簡單嘅程序，對機器人好複雜；相反有啲好複 雜嘅運算難到人但難唔到機器。舉例人可以輕而易舉拎 起一隻雞蛋，因為人有觸覺感知，好容易識別要用幾大 力度至唔會跌又唔會整爛，而且試過之後會入咗腦嘅 「系統一」，成為唔使思考嘅直覺。機器人拎起雞蛋就 需要大量運算同硬件設計，因此Optimus經常要表演拎雞 蛋以證明公司科技先進。 資本市場對人形機器人熱捧，宇樹已獲中移動、騰 訊、阿里巴巴、螞蟻、吉利資本等投資，正準備內地上 市，有望成為A股「人形機器人第一股」。美國機器人初 創Figure AI仍未量產，已經吸引微軟、輝達、亞馬遜、 英特爾、OpenAI等巨頭投資。 今年中大摩曾出報告，估計到二○五○年人形機器 人市場總值逾五萬億元，而九成（約九億三千萬個）會 用於工商業，中國預計會有三億個，美國有七千七百萬 個排第二。而雖然現時已見到有疊衫、清潔等家用機器 人，但該行對其發展較保守，估計屆時僅會有八千萬個 入屋。 最後，趁住講起AI，我借機會再提提讀者，最近有 朋友發現YouTube上有人用AI仿真，出咗一個AI版陸叔廣 告。我係絕對唔會叫大家加入群組或介紹投資經理，大 家切記小心分辨。 內地官網售價僅一萬三千五百元。 人形機器人「入廠」 中國研發製造的人形機器人性價比更高， 宇樹科技推出識打側手翻嘅G1， 31 2025 12 21 陳永陸 陸 馬
RkJQdWJsaXNoZXIy MTIyMjc4MA==