陸 叔 開C h a t 生活是很個人化的態度， 人稱「陸叔」的著名財經股評家、 兼投資策略顧問， 用輕鬆心態與跨界別嘉賓及以時事專題， 去打開財經及以外的話匣子。 時通訊應用程式取代傳統手機「打」電話嘅趨 勢，早喺廿年前開始，到今日最廣泛使用嘅程式 WhatsApp，全球活躍使用人數（每月均有使用）已超 過三十三億，每日傳送逾一千四百八十億條訊息。 WhatsApp亦係港人最常用手機通訊程式，但不幸地， 方便通訊同時亦方便騙徒，程式逐漸成為不法分子進行 詐騙最常用工具。 警方網絡安全及科技罪案調查科上月透露，近期 WhatsApp帳戶騎劫騙案錄得顯著升幅，今年上半年接 獲一千六百一十三宗相關個案，平均每月超過二百六十 宗，按年升幅超過一點六倍，平均每月損失金額超過 二千一百萬港元。 當中涉及兩大詐騙手法。其一，有海外騙徒利用短 訊代理商，大量發送釣魚短訊，誘使市民點擊虛假連 結。其二，有本地詐騙集團利用「偽基站」干擾信號， 強制將附近手機訊號降級至2G，再透過2G頻譜發送假冒 短訊。呢種攻擊成本極低，不法分子可將「偽基站」藏 於汽車、背囊甚至垃圾桶內，喺旺區發出假冒短訊，整 個運作成本可能只需幾百元。兩種手法嘅最終目的，都 係竊取受害人嘅WhatsApp帳戶，再用以進行後續詐騙。 深偽（Deepfake）技術日新月異，詐騙伎倆亦隨 之升級。近日發生一宗涉款逾千萬元嘅AI Deepfake語 音詐騙案。騙徒騎劫受害人父親WhatsApp帳戶後，利 用AI合成技術模仿聲線發送語音訊息。當騙徒以「業務 急需資金」為由要求轉帳時，事主因聽到「父親」聲音 而深信不疑，其後更多次按指示轉帳。 AI詐騙已經構成全球性威脅，坊間有大量模仿聲音 嘅網站或應用程式可免費使用，而且仿真度高，難以分 辨。更值得警惕嘅係，WhatsApp儲存大量用戶語音對 話，一旦騙徒成功入侵帳戶，就可以偷取聲音檔案用作 AI合成。防毒軟體公司McAfee研究顯示，只需要三秒 語音就可以複製出一段聲音，相似度達百分之八十五； 透過訓練數據模型，少量聲音檔案更可達百分之九十五 嘅匹配度。 面對呢場由AI技術驅動嘅詐騙「升級」戰，市民必 須加倍警覺，重新審視對「聲音」同「影像」嘅信任。 大家可考慮幾個實用嘅自保方法，包括唔好喺公共平台 上過度分享個人聲音、圖像等資訊，因為呢啲都可能成 為不法分子嘅合成材料；接到自稱「客服」或「熟人」 嘅陌生來電時，避免長時間對話，更唔好主動提供聲音 回應，例如朗讀驗證碼或重複指定句子；凡涉及金錢轉 帳，必須通過原有聯繫方式或當面進行雙重核實，亦可 預先約定「安全暗號」，用作緊急核實身份。 「眼見為實、耳聽為真」已經成為過去式。聲紋就 好似身份證同銀行密碼一樣，係核心私隱，保護好佢， 就係保護好自己同身邊人。為提高大眾防騙意識，筆者 將應邀出席香港警察反詐騙協調中心講座，為準退休及 已退休市民提供理財與防騙心法，下期再分享。 耳聽未為真 陸叔應邀出席「退休投資長勝心法」講座。 19 2026 08 16 陳永陸 陸 即
RkJQdWJsaXNoZXIy MTIyMjc4MA==