洗衫補給做輔導 《亞洲超星團》日前公布了 65位入圍名單，當中為人熟悉的 星二代，除了洪欣兒子張鎬濂，還 有歐陽妙芝的細仔方玉亨。 本刊訪問身在上海陪兒子「作戰」的妙芝，她 笑說：「『細佬』7月收到入圍通知後好興奮，因為 佢去參賽，我要同行，所以我問咗佢好多次：『你 真係決定去？』佢當時話，橫掂今個暑假未有 plan，當去學習同見識吓。」 主辦單位為方便管理，安排所有練習生住在 同一酒店，每天專車接送他們到錄影場地，進行 密集式特訓。每天早上待兒子出門後，妙芝就替 他處理後勤工作。「我好識做，唔會跟住晒，等佢 可以獨立吓，自己同啲選手交流和聯誼。每日我會 喺酒店Stand by，做佢嘅後勤支援，幫佢洗衫，補 給吓日用品，及準備一啲輕食。」 為免兒子壓力爆煲，她又會為其做心理輔導， 「因為佢每日排練都消耗好多體力，每晚返到嚟都 好肚餓，所以晚上亦會為佢準備宵夜。仲要同佢傾 吓偈輔導吓佢，因為驚佢得15歲，參加呢類高壓比 賽會有心理壓力。做家長就好似人生導師咁，喺呢 啲位可以幫助佢梳理情緒。 「佢哋每日平均拍12小時，最長試過由早上 0945拍至翌日凌晨0300，接近18小時，不過佢話好 開心，唔覺辛苦。有晚佢完成拍攝返嚟，話想食雪 糕，即使凌晨一點，我哋都一齊落街買。」 在眾多練習生當中，方玉亨是少數未成年的參 賽者之一，故獲不少一起參賽的「哥哥」照顧，妙 芝續稱：「丁子朗、洪欣囝囝張鎬濂見『細佬』年 紀小，都好照顧佢，有好嘢食、好嘢飲又分享俾 佢，玩集體遊戲又叫埋佢！仲有幾個已經出道嘅參 賽者同『細佬』交換咗電話，佢興奮到不得了。」 歐陽妙芝 ▲ 兒子每天出門比賽 後，妙芝除了外出補 給日用品，又會為兒 子洗衫，在背後做兒 子的最強後盾。 ▲妙芝每天也為兒子準備一些 壽司等輕食，讓他比賽後回到 酒店作宵夜。 ▲主辦單位每天也會為參賽者 安排膳食，隨行的妙芝亦有 份，「雖然係便當飯盒，但很 有家常上海菜風味，唔錯。」 ▲凌晨一時，妙芝也陪兒子落街買雪 糕。「希望用這些時間，令他減輕比 賽壓力。」 69 2023.08.20
RkJQdWJsaXNoZXIy ODc1MTYz