黃心穎轉型當創作歌手，自不然被解讀是 留戀娛樂圈，要重新出發，步步驚心，荊棘滿 途，為何不完全淡出大眾視線、另闖天地？ 「當時我冇諗過要返嚟呢個圈，我冇留戀 過，就算舊公司（無綫）叫我返去拍劇或做主 持，我都係一直拒絕。2020年開始，發現自 己對音樂係有少少天份。有一晚突然哼吓歌， 覺得ok好聽喎，不如擺啲字入去。初時以為 一次半次，但之後作咗7首歌，不如去學 啦！」 「我唔知點去形容，如果相信有歷劫嘅 話，可能呢啲係以前我有做過嘅嘢，突然好似 收到信息咁，令我開始作歌，其實係好奇怪， 每次我去形容，啲人都唔會信。」 「我係鍾意音樂，一直喜歡唱歌，有掙扎 過係咪去做，因為我知去做，代表入返娛樂 圈，但係我諗唔到其他想做嘅嘢。冇理由經歷 咁多嘢之後，竟然係為錢而生活！我應該要為 開心、追求一啲想做嘅嘢。我知道，前面條路 好難行，但都要衝過去。其實所有嘢都難，唔 通唔難先做？個結果係點，邊個會知？唔試過 就唔會知。」 日後的路，黃心穎很隨心。 「唔一定出歌，我興趣多，我想學裝修， 喜歡hands on嘅嘢。以前我屋企部洗衣機係 封塵，啲衫拎畀姐姐個工人洗，垃圾桶冇開封 過，煲都冇乜用過，日日只係返工、沖涼、瞓 覺，依家好唔同，識做家務，樣樣都想試！」 ⫓汧䧖㦑垠㏎ 51 2023.12.31
RkJQdWJsaXNoZXIy ODc1MTYz