200公斤血漿 《猩瘋血雨》導演約翰拿斯羅拔斯（Johannes Roberts），喺 2017年刀仔鋸大樹，憑成本500幾萬美元（約3,900萬港元）嘅《鯊 海47米》（47 Meters Down），全球大收6,000幾萬（約4.7億港 元），之後乘勢拍埋續集。拍恐怖片，要嚇到觀眾尖叫彈起，難佢唔 到。 約翰拿斯話：「我睇完驚慄大師史提芬京小說改編嘅恐怖片《瘋 噬》後受到啟發，諗到如果另一種寵物突然變得嗜殺，會發生乜嘢故 事呢？我研究得越多，就知道黑猩猩好黑暗，佢哋會突然暴怒，獵殺 其他動物，而智慧只係僅次於人類，但比人類更強壯。」 電影中，黑猩猩阿賓係製造驚嚇嘅核心，約翰拿斯一開波就拒絕 用電腦特技，搵咗擅長肢體表演嘅演員米格爾托雷斯溫巴（Miguel Torres Umba），着上特製嘅「猩猩裝」來演出。而呢位「殺手」嘅 殺傷力非同小可，要動用200公斤血漿來應付血腥場面。 尊妮絲高雅、芝雅肯特（Gia Hunter）等人要避開攻擊，唯有藏 身泳池，諗辦法向外求救。芝雅肯特話：「被困泳池嘅感覺好真實， 我哋好似獵物一樣被困，而阿賓就係捕食者，我嗌到拆天呀！」 上映日期：1月22日 ▲ 未發狂之前，黑猩猩阿賓好乖， 會同大家握握手，做個好朋友。 ▲ 阿賓好叻，識用平板電腦同人類 作簡單溝通。 ▲成班人跳落泳池逃避阿賓嘅襲擊，有咁容易咩？ ▲金像男配角賽高素飾演聾啞作家，芝 雅肯特（右）同尊妮都係佢個女。 ▲ 導演約翰拿斯羅拔斯拒用電腦 特技，堅持搵真人扮黑猩猩。 ▲睇尊妮擘大口個樣， 就知佢見到啲可怕嘢。 黑猩猩阿賓 鬼鬼祟祟匿喺 身後，準備尖 叫！ 67 2026.01.18
RkJQdWJsaXNoZXIy ODc1MTYz