愛笑，愛靚，愛翡翠。父親從事玉石批發生意超過四十年， 自小玩玉多過玩Barbie。1999年取得G.I.A.寶石鑑證資格， 在見盡各類寶石後，更加鍾情玉的獨特個性。2004年開設工 作室，全情投入奇妙深玄的玉石世界。 Serena Yau 玉裡心經 午」馬年，梗係要同大家講吓「馬」。話口未 完，已經有馬匹行出嚟，我哋即刻落沙圈睇 馬！ 最先入場的是「一馬當先」，要留意牠的雕刻特徵 是三蹄着地，前有一蹄懸空成起跑姿態。Slogan都講 「快人一步、理想達到」，馬年唔想「脫腳漏閘」的朋 友，千祈唔好等，快啲戴一匹傍身。 跟住來的那一匹叫「平步青雲」，馬如其名，四蹄 之下刻飾了寓意帶來福氣的「祥雲」。馬踏祥雲奔騰， 等於人坐火箭升空，在工作地方擺一隻坐鎮，保證你閃 電晉身高層。 接着出場是狀態大勇、1番人氣大熱門「龍馬精 神」。矯捷游龍孖住壯碩駿馬，「病符星」埋唔到身。 翡翠雕刻上有這兩強，包保你一年到晚身壯力健，做嘢 可以馬力全開唔使唞，自然最先衝線無對手。 記得馬主朋友教過我，說馬匹「起擒」（前兩蹄提 起）有幾種原因，但在翠雕中見到這樣的馬，理由只有 一個，就係預告要大展拳腳的你，個個project都「馬到 功成」。 另外，朋友還說一場賽馬的勝負取決很多因素，當 中負重是其一。但大家見到的這匹「馬上發財」，肯定 不受影響。 背上馱着一隻大元寶的馬，寓意明顯又直接，就是 要你「馬上」、「即時」、「現在」就有錢落袋。這個 雕刻造型自古有之，流傳幾近千年，若然唔「靈」，晨 早退役仲點會出現？提提你帶一匹回家時，最好攞定個 「喼」，費事裝唔晒啲錢呀！ 緊接而來是出晒名的「馬踏飛燕」，馳騁中的駿馬 三腳離地，一腳踏着飛翔中的燕子。原始形象初見於東 漢，由於造型巧美，成了icon流傳甚廣。 但近有考證，指馬匹所踏的其實不是燕子，而是一 隻名為「龍雀」的神鳥，於是又有另一名字「馬超龍 雀」。一匹跑得快過神雀嘅馬，寓意也有氣勢，象徵了 「攻無不克」。馬年戴着佢考試、考車、考牌、考乜考 物，會唔輕鬆＂Pass＂咩？ 下一匹馬表現出一份跨越物種的精神，牠的jockey 竟然係一隻monkey。這匹由馬騮策騎的馬叫「馬上封 侯」。「封侯」放响現在的價值觀，等同「名成利 就」，許冠傑都唱「名成利就人人想擁有」，今年hold 一匹願望名利雙收，冇人會話你貪心。 最後行入沙圈的是小妹心水之選—「一路平 安」。翡翠雕刻的馬匹飾上馬鞍，佻皮地食個「鞍」 字，帶來「平安」的吉兆。常言「平安抵萬金」，我喜 歡這匹「一路平安」，唔使問點解嘞。 見過各款翡翠雕刻的馬兒，大家鍾情哪一匹？最希 望得到哪份祥瑞？ 儍豬，你唔係諗呀嘛？當然係「一馬當先」搭「龍 馬精神」串「平步青雲」同「馬上發財」；再用「馬到 功成」拖「攻無不克」、「馬上封侯」，加埋「一路平 安」過關食全餐啦！ 所有幸運「好馬」都集齊响你手，今個馬年實 「SURE WIN」呀！ 「丙 ◄「丙午」馬年，小妹祝大家馬到功 成！ 幸運好馬 96 2026.02.22
RkJQdWJsaXNoZXIy ODc1MTYz