我膚淺，一提何華超，即時聯想到的，是港產愛情動作片《禁室培欲3》， 見到當事人，開場白也是這一句⋯⋯ 只見他作頭痛狀笑說：「呢啲衰、賤格嘅角色，係可遇不可求㗎， 其實我覺得好好吖，做到自己平時唔會做嘅嘢，可以透過角色去做，呢啲就 係做演員嘅特別之處。」 「可能我個樣生得比較衰，啲導演見到實係話：『華超個樣夠衰！ 一定係變態佬！』，所以一有同類型角色，就會諗起我， 令我好多時都接到呢類型嘅角色啦。」 何華超處之泰然，在新戲《被消失的凶案》中， 繼續在銀幕上作奸犯科、面目猙獰。 現實中的他，其實家庭美滿，五十七歲，但孫兒已是準小學雞， 九月便升讀小一，是真實版的花樣爺爺。 「因為我鍾意小朋友，所以就早婚、早生仔，兩個仔都二、三十歲嘞， 最辛苦係我老婆囉，仲要湊住四個仔。哈哈哈！」 身處鬧市，何華超拿出電話捕捉好風景， 留住每個值得記住當下，才是人生吧。 撰文☆吳靜 攝影☆林建安 設計☆美術組 留星 語 86 2022 06 26
RkJQdWJsaXNoZXIy MTIyMjc4MA==