撰文☆吳靜 攝影、錄影☆梁比利 服裝提供☆suncoohk 設計☆黎志堅 要解開心鎖，從來不易。 入行17年的江若琳，當中有7年時間，糾纏於與前經理人 公司的官司上，事業上完全停擺，直至2022年初，才雨過天青。 「嗰時嘅收入，全部都⋯⋯（作雙手奉上狀，意指付律師費）」 平息事業的驚濤駭浪，江若琳迎來人生的最佳禮物—— 跟老公蕭唯展的愛情結晶品，兒子蕭立鈞。 「我同老公都好鍾意小朋友，2018年結婚之前都已經有共識， 想即刻生小朋友，但係試咗好多方法都冇。 「有時我會諗，阿仔喺當時出世，係最好嘅時候，我嘅官司完咗， 疫情又完咗，咁我就可以有時間，好好帶佢睇吓呢個世界。」 熬過黑夜，享受黎明的和煦，生活也圓滿了。驀然回首，36歲的江若琳， 赫然發現自己還有心鎖未解。 「我一直都好鍾意唱歌，但係因為矛盾，或者生活，我好多次被迫放棄自己嘅夢想， 既然家唔使顧慮官司，趁我仲有力氣、精神，都想為自己活一次。 「而我個仔好鍾意聽我唱歌，係我No.1粉絲。佢家14個月，到佢大個，媽咪會有咩令佢 驕傲？唔通同佢講，你阿媽我經歷咗好多低潮，仲打贏一場好勁嘅官司？」 為了追夢，為了成為兒子引以為傲的母親，江若琳重拾舊夢， 並推出新曲〈一直留在心底的事〉。 「歌詞嘅『尋回我心裏那鎖匙⋯⋯門開了未算遲，有故事才悅耳。』， 係好有意思嘅，係講緊我嘅故事，同時都係好多人嘅故事。」 江若琳解鎖了，你呢？ 江若琳 86 2024 08 25
RkJQdWJsaXNoZXIy MTIyMjc4MA==