曾經，李珊珊很嚮往夜夜笙歌 的生活，一星期可以呼朋喚友蒲足四、 五晚，閒閒哋4、50人一齊玩，醉生夢死，但 突然有一天，她問自己：「係咪餘生都要咁樣過？ 我係咪成世都想咁熱鬧？」 一朝醒悟，她即時謝絕所有朋友的邀約，甚至與外 界「斷聯」，匿在自己的「山洞」內與世隔絕，那年她 未滿34歲，距今足足5110天。 「當時班朋友覺得，你玩少日咪得囉，但我直情想 轉換成個生活方式，我覺得係時候要停了，所以選擇自 絕於呢個社會。年輕時我係好極致的，無中間位，一係 就玩到勁一勁，一係就靜一靜。」 由璀璨歸於平靜，活在「山洞」的日子，她反而自 得其樂。「我又好享受喎，因為我自8、9歲已經好習慣 獨立生活。一個人睇電視已經好滿足，可以由朝睇到 晚，其實不停睇電影都可以學到好多嘢，而我自 己又係娛樂圈出身。加上我鍾意寫字，好想 有一天可以做編劇，現寫了四個故事， 要執靚個大綱，再去sell老闆。」 感情方面，她亦一直不愁寂寞。 「簡單啲講，我都係近3年冇拍拖啫，其 實我由細到大，自從（19歲）開始咗第一段 感情，一直都係接住冇停過，可能因為戀愛腦啦。 反而呢3年想唞一唞，因為拍拖模式都係無限輪迴，遇 到邊一類人，大家點樣相處，大概都知起承轉合係點。又 或者人愈大，要求嘅嘢唔同咗，唔再容易遇到一個令我有 漣漪嘅人。」 愛情路上，李珊珊最廣為人知是與錢嘉樂的9年情， 後者已於2012年與湯盈盈結緍並育有兩女，而她，則仍 在孤身走我路。重提舊愛，她只送上祝福。 「佢活得好，我好開心。見到佢一家大小健健康康， 我更開心。如果真係要公開再講，我就覺得唔好打擾別人 了，總之佢哋快樂，身體健康就好！」 對於婚姻，她坦言不曾有過憧憬，「有啲人拍拖 好有計劃，而我就從來唔會諗天荒地老、海枯石 瀾，只會着力於當下。結婚係好大的承諾， 答應咗就要做得到，既然我自己知未必 做得到，做咩夾硬要去承諾呢？」 ▲年少輕狂的日子，夜夜笙 歌，衞志豪曾是她的夜蒲鐵 腳。 ▲ 98年與錢嘉樂因拍攝劇集 《烈火雄心》而撻著，有傳 大她12年的男方，曾在菲律 賓當眾向她求婚，惟她表現 模稜兩可，最終於07年結束9 年情。 ▲ 96年年僅18歲 當選香港小姐冠軍， 兼奪最上鏡小姐、最受 傳媒歡迎，及才藝小姐獎， 成為四料冠軍。 51 2025.03.02
RkJQdWJsaXNoZXIy ODc1MTYz