面對人生的高山低谷，李珊珊沒有 抱怨，反倒感恩上天的開路。 「既然所有安排都係不可逆轉，或非我能改變 的，我唯有去接納，樂觀去面對。我好感恩上天開路，因 為有權你係無路可出，或者撞到炒咗埋山㗎。而且，我嘅情況並 唔係最壞嗰個。」 她分享一次在聖保祿醫院與醫護的對話：「有次我在醫院對住個護士長 喊，佢安慰我，又同我講隔離房有位病人，等緊換心臟，但機會好渺茫，於是個 病人每日都攞啲醫護嚟出氣。我聽完有種感覺，既然件事已不可逆轉，我係咪應該用 平常心去面對呢個結局呢？而且我唔係結局喎，我仲有藥醫，唔係無得等吖嘛。」 經歷過多次瀕死的感覺，對於死亡，她還會害怕嗎？ 「死亡係無常，我無去諗，因為當佢真係要嚟，我都阻止唔到。如果你真係咁樣問，我突然 諗，好希望上天俾好溫暖嘅被子同床，讓我去接受這件事，而唔係拖我3、5、7、9年咁慢慢 嚟。如果可以喺自己張溫暖嘅床度走，都係一種福氣。」 假使明天便是人生的盡頭，會有遺憾嗎？「我諗我要改一改我份保險的 受益人先，我一直想搵律師去搞，但因為拖延症，仲未搞。我份保險都唔 細㗎，我心目中已經有受益人選，好想照顧某人﹙照顧了她廿多年的姨 姨﹚到百年歸老，都無乜其他遺憾了。」 經歷令人成長，大病一場，令「沉睡」的李珊珊學會珍惜。 「喺我跌跌跌宕宕的人生中，我發現一切上天自有安排，表面 看似唔好嘅嘢，原來又有佢嘅美意，或賜予你更多嘅嘢。 過程係唔好受，但你會發現，原來再行多幾步，會出 現另一度光景。時間好寶貴，趁仲有手有腳，仲 有用途，要把握機會 做好自己，為以後的 路打算。」 上半生的荊棘、 磨難，都已成為往 事；李珊珊的人生下 半場，現在正式 開始。 1╱2019年為「精神健 康基金會」拍片，公開 患上驚恐症，並以過來 人身份分享抗病的心路 歷程。 2╱曾被譽為歷年身材 最好的港姐。 1 2 52 2025.03.02
RkJQdWJsaXNoZXIy ODc1MTYz