日本讀法律 Meter謙稱不是元祖日本通，但說 陳爸爸是香港第一代潮人，他受爸爸影 響而愛上日本文化，他就點頭承認。 「嗰個年代，情報唔多，好少人飛 日本，爸爸引入產品喺香港大大公司 賣，攞咩都大賣。我就細細個開始去日 本旅行，後來中學畢業，身邊人興起去 加拿大、美國留學，我諗住照跟，阿媽 即刻反對，話：『爸爸喺日本，點解唔 去？』」 父母開綠燈，他原本打算學一年日文，誰不知無心插柳下 獲大學法律學部取錄。以他當年半桶水的日文，何來信心應付 得來？ 「冇㗎！之前喺香港律師行做過一段時間，幫律師去法庭 申請排期之類，覺得做律師好型喎，橫掂咁離奇去咗日本讀 書，咪試下讀法律囉，冇諗過之後點，報咗先，冇諗過入到 㗎！」 初到日本，Meter未識得玩，放學還要做兼職，直至有次調 轉做「遊客」，跟訪日的朋友周圍去，才發現日本原來如此多 fun，開始發掘好味餐廳。 「最大契機係99年TVB拍《至叻至嘆系列》，PA好友叫埋 我一齊出去玩，嗰時有伍姑娘（伍詠薇）、蔡一傑等，我義務 幫佢哋翻譯，friend咗。之後TVB知我駐日，好多音樂特輯同劇 集都搵我做製片翻譯，而自己第一個真正做嘅係王傑音樂特 輯，一手包辦搵外景同住宿。」 ▲ 多得PA朋友穿針引線，令他接觸到製片工 作，與伍詠薇夫婦成為好友。 ▲Meter（右二）誤打誤撞下，獲亞細亞大學法 律學部取錄，打算畢業後才想出路。 有個日本華僑爸爸，令他自小已喜 歡日本，「我唔似家姐鍾意近藤真 彥嗰啲明星，純粹鍾意去。」 75 2025 07 20
RkJQdWJsaXNoZXIy MTIyMjc4MA==