遇霆鋒知音 提起食，Kobe便眉飛色舞。早前播畢的《一飯封神》， 雲集了五湖四海的出色廚師，包括她在內的84名「小 廚」，要爭16張凳仔入圍，可想而知戰況激烈。 Kobe在首個回合，出動了招牌菜鵝潤腸法式威靈 頓牛柳參戰，圓形威靈頓牛柳對比起長形，更能保持入 口溫度。幸運地，遇上識貨的評判謝霆鋒。 「當時我十分驚喜，因為好多人都唔清楚威靈頓牛柳係 一個點樣嘅菜式，但係霆鋒老師喺我開口講解之前，已經睇 到晒啲嘢，講到俾我聽，我覺得：『咦！我真係遇到知音 人，佢係專家。』」 第一次近距離見到偶像，她坦言心跳加速。對於外界批 評謝霆鋒用手背試食作狀，她代為平反，「其實手背試食好 常見，嗰時我啱啱炒完蘑菇肉，驚焫親佢，佢仲話：『冇 事，你擺落嚟。』我好鍾意睇佢做戲㗎！好似《新古惑仔之 少年激鬥篇》，仲食咗佢同連鎖店crossover嘅漢堡包，好好 食。」 她一路過關斬將，殺到第4關就出局。回想起來，她覺 得第2關盲盒挑戰最困難。 「冇諗過一打開個箱，抽中咗廣西北部灣沙蟲做食材。 我做法國菜㗎嘛，點算呢？啲蟲郁下郁下，我超級驚，當場 嗌咗出來。啲中廚走埋嚟話正，西廚就話我大鑊。冇辦法 啦，抽到就要努力同啲蟲做朋友。」 最後，她12強止步，自問和各大高手過招，成績已超額 完成，「簡直喜出望外，難得又識到咁多廚師。」 ▲ 參加《一飯封神》時，見到評判兼 偶像謝霆鋒試食，她非常緊張。 ▲ 圓形的鵝潤腸法式皇帝威靈頓牛 柳，是她的招牌菜。 ▲煮開法國菜的她，開盲盒抽中沙蟲做 食材，直言被嚇親。 ▲在內地逗留 期間，和其他 參賽者建立了 友誼。 ▲ 在大學讀化 學系的她，被 節目導演改代 號做「化學系 靚廚」。 69 2025 10 26
RkJQdWJsaXNoZXIy MTIyMjc4MA==